महेन्द्रनगर– कञ्चनपुरका बिभिन्न स्थानबाट भारतबाट ल्याएको साडे ११ लाख रुपैया भन्दा बढीको अवैध समान सहित दुई थान मोटरसाईकल प्रहरीले बरामद गरेको छ ।
भीमदत्त नगरपालिका–५ मा पर्ने सुकासाल, भीमदत्तकै ११ नम्बर वडाको चौकीसत्ता, बेदकोट नगरपालिका–६ स्थित कार्यालय अगाडी र बेलौरी नगरपालिका–१ फटैयाबाट अबैंध रुपमा भारतबाट भन्सार छलि गरि ल्याएका समान बरामद गरेको प्रहरीले जनाएको छ । चार वटै स्थानबाट बरामद गरिएको समानको मुल्य ११ लाख ९६ हजार रुपैया भन्दा बढीको रहेको प्रहरीले जानकारी दिएको छ ।
प्रहरीका अनुसार नरिवल, छाता, सुर्ती, भाँडावर्तन, बिभिन्न किसिमका कपडा, किराना समान र दुई वटा मोटरसाइकल समेत बरामद गरिएको छ । जिल्ला प्रहरी कार्यालय कञ्चनपुर तथा मातहत कार्यालयबाट खटिएको प्रहरी गस्ती टोलीले बेबारिसे अवस्थामा उक्त समान फेला पारी नियन्त्रणमा लिएको सुदूरपश्चिम प्रदेश प्रहरी कार्यालयले जनाएको छ ।
