महेन्द्रनगर– कञ्चनपुरका विद्यार्थी संगठनले शिक्षण संस्था लगायत सार्वजनिक क्षेत्र आसपास क्षेत्रमा मापदण्ड मिचेर सञ्चालन गरिएका मसाज सेन्टर र डान्स बार नियमन गर्न सम्बन्धित निकायको ध्यानाकर्षण गराएका छन् ।
६ वटा विद्यार्थी संगठनले शुक्रबार संयुक्त विज्ञप्ति सार्वजनिक गर्दै भीमदत्त नगरपालिका– ५ र ६ नम्बर वडा मा सञ्चालनमा रहेका समाज सेन्टर र डान्स बार मापदण्ड अनुसार नभएकाले नियमन गर्न माग गरेका हुन् ।
स्थानीय बासिन्दाले व्यापक विरोध गरेपछि वडा कार्यालयले समाज सेन्टर र डान्सबार सार्न ३५ दिनको सूचना सार्वजनिक गरेका थिए । ३५ दिन बितिसक्दा समेत डान्स बार र मसाज सेन्टरले सूचनाको बेवास्था गरेपछि विद्यार्थी संगठनले नियमनको माग गरेका हुन् ।
मापदण्ड विपरित सञ्चालन गरिएका मसाज सेन्टर र डान्स बार तत्काल नियमन नभए विद्यार्थीले संघर्ष गर्ने चेतावनी समेत दिएका छन् ।
