महेन्द्रनगर– कञ्चनपुरको भीमदत्त नगरपालिका– १३ पिपरैया घाँटमा संकलन गरी राखीएको अबैध ग्राभेल ओसारर्दै गरेका टिप्पर युवाहरुले नियन्त्रणमा लिएर प्रहरीलाई बुझाएका छन् ।
बेदकोट नगरपालिकाको सुन्दरपुरस्थित श्री सिद्धनाथ उदयदेब अनमोल क्रसरका ६ वटा ग्राभेल सहितका टिप्पर महेन्द्रनगरको बसपार्कबाट युवाहरुले नियन्त्रणमा लिएका हुन् । ग्राभेल सहित नियन्त्रणमा लिएका टिप्पर कानुनी कारवाहिका लागि जिल्ला प्रहरी कार्यालयदले शनिवार साँझ भिमदत्त नगरपालिकालाई जिम्मा लगाएको छ ।
प्रहरीका अनुसार उक्त ग्राभेलको रोयल्टी काटेको छैन् । ठेकेदार कम्पनीले आर्थिक बर्षको जेष्ठ मसान्तसम्म स्टक प्रमाणित गरी भदौं मसान्तसम्म उक्त प्रमाणित प्रदार्थ उठाईसक्नु पर्ने नियम छ । तर, अनमोल क्रसरले स्टक प्रमाणिकरण नगराई दुई महिनाअघि देखि अबैध ग्राभेल धमाधम उठाउँदै आएको छ ।
यसरी संकलन गरी राखीएको नदीजन्य प्रदार्थ समयभित्र प्रमाणित नभए सम्वन्धित पालिकाले अबैध ठहर गरी जफत गर्नुपर्ने प्रदेश कार्यबिधिमा उल्लेख छ ।
केहिदिन अघि मात्र भिमदत्त नगरपालिकाले महाकालीको नदिजन्य प्रदार्थ उत्खननका लागि ठेक्का सम्झौता गरेको छ । एकातिर नयाँ सम्झौता गर्ने अर्कातिर पुरानै स्टक प्रमाणिकरण नगरेको अबैध ग्राभेल ओसार्न दिने भिमदत्तले अनमोल क्रसरलाई कस्तो कारवाही गर्ला त्यो भने हेर्न बाकिँ छ ।
