आइसीसी क्रिकेट विश्वकप लिग २ को १५ औं प्रतियोगिता यहि कार्तिक ९ गतेदेखि संयुक्त अरब इमिरेट्समा शुरु हुदैछ । ५० ओभरको पहिलो प्रतिस्पर्धामा नेपाल र अमेरिकाबीच विहान ११ः१५ मा खेल हुने भएको छ । दुबै टोली जीतका साथ प्रतियोगिता शुरु गर्ने तयारीमा रहेका छन् ।


दुइटै टोलीका प्रशिक्षकहरु बीचको प्रतिस्पर्धा पनि रोमाञ्चक हुने देखिन्छ । यस अघि अमेरिकाको प्रशिक्षण गरेर नेपाल आएका स्टुअर्ट ल र लामो समय नेपाली टोलीको प्रशिक्षण गरेर हाल अमेरिकी टोलीको प्रशिक्षक रहेका पुबुद दासयानायेके आमने सामने हुन लागेका छन् । दुबै प्रशिक्षकहरु विपक्षी खेलाडिहरुसँग परिचित भएकोले उनीहरुको रणनीतिको पनि परिक्षा हुनेछ ।
प्रतियोगिताको १५ औं संस्करणमा जम्मा ६ खेल हुनेछन जसमा नेपाल, अमेरिका र युएइ ले एक अर्का सँग २-२ खेल खेल्नेछन । नेपालको खेलहरु यस प्रकार रहेका छनः
नेपाल विरुद्ध अमेरिकाः ९ कार्तिक विहान ११ः१५ बजे
नेपाल विरुद्ध युएईः १३ कार्तिक विहान ११ः१५ बजे
नेपाल विरुद्ध अमेरिकाः १५ कार्तिक विहान ११ः१५ बजे
नेपाल विरुद्ध युएईः १९ कार्तिक विहान ११ः१५ बजे
प्रतियोगिताको अंक तालिकामा युएइ र नेपाल क्रमस पुछारमा छन भने अमेरिका तालिकाको दोस्रो स्थानमा रहेको छ । प्रतियोगितामा अमेरिका तालिकाको शिर्ष स्थानमा पुग्न चाहन्छ भने नेपाल र युएई जीत सहित आफ्नो अंक सुधार गर्नका लागि खेल्नेछन् । हालसम्मको अंक तालिका यस प्रकार रहेको छ ।

टोली घोषणा
प्रतियोगिताको लागि तीनओटै टोलीले १५ खेलाडिहरुको नाम घोषणा गरिसकेका छन, जुन यस प्रकार रहेको छ ः
नेपाली टोलीः रोहित पौडेल (कप्तान), दिपेन्द्र सिह ऐरी, नन्दन यादव, भीम सार्की, सन्दिप लामिछाने, कुशल मल्ल, आसिफ शेख, अनिल शाह, आरिफ शेख, ललित राजवँशी, कुशल भुर्तेल, गुल्शन झा, सोमपाल कामी, शाहब आलम र करन केसी ।
अमेरिकी टोलीः मोनाँक पटेल (कप्तान), जेसी सिह, सौरभ नेत्रभाल्कर, रुसिल उगरकर, नोत्सथुत किजिँगे, मिलिन्द कुमार, समित पटेल, शायान जाहाँगिर, जुनोइ ड्राइसडेल, सञ्जय कृष्णामुर्ति, हरमीत सिह, यासिर मोहम्मद, सैतेजा मुखमल्ल, सुभम रन्जाने र एन्ड्रयु गोस,
युएईको टोलीः राहुल चोपडा (कप्तान), अलिसन सराफु, अर्यान्स शर्मा, ध्रुव परासर, हैदर अलि, हर्षित कौसिक, जुनैद सिद्दिकी, मयाँक कुमार, मोहम्मद अरफान, मोहम्मद शाहदाद, मोहम्मद वशिम, रोहिद खान, शोहेब खान, सिम्रनजित सिह र जाहिद अलि ।


