काठमाडौं– राष्ट्रपति रामचन्द्र पौडेलले प्रधानमन्त्री सुशीला कार्कीसहित सङ्घीय संसदमा प्रतिनिधित्व गर्ने राजनीतिक दलका नेताहरूलाई संवादका लागि बोलाएका छन ।
जेन जी आन्दोलनबाट निर्वाचित सरकार विघटन भई २०८२ फागुन २१ गते प्रतिनिधि सभा सदस्य निर्वाचनको घोषणा भएपछि राष्ट्रपतिले पहिलो पटक अन्तरिम सरकारका प्रधानमन्त्रीसहित दलका नेताहरूलाई संवादका लागि बोलाएका हुन ।
दलका नेताहरूसँग समसामयिक राजनीतिक विषयमा छलफल हुने राष्ट्रपतिको सचिवालयले जानकारी दिएको छ ।
जेन जी आन्दोलनबाट उत्पन्न परिस्थिति र अझ द्वन्द्व चर्किने हो कि भन्ने जनमानसमा चिन्ता छाइरहेका बेला राष्ट्रपतिसँग दलका नेताहरू भेट्न लागेका हुन् ।
